Introducción a AWS Educate

De Guía e Titoriais de Adaptación ó IES San Clemente.
Ir a la navegación Ir a la búsqueda

QUE É AWS EDUCATE?

AWS Educate proporciona aos estudantes e profesores acceso gratuíto á tecnoloxía AWS, cursos na nube, ferramentas de formación e colaboración para desenvolver a próxima xeración de profesionais da tecnoloxía na nube.

As rutas profesionais na nube proporcionan aos estudantes acceso a créditos, formación e a opción de escoller a súa carreira na nube. 'AWS Educate' ofrece un camiño personalizado que inclúe contido, comprobacións de coñecemento e insignias que lles guían durante o proceso de aprendizaxe.

Que é AWS Academy?

Ofrece un currículo AWS para institucións educativas con formación "post-secundaria" para axudar aos estudantes a desenvolver habilidades de computación na nube baixo demanda e prepararse para a certificación AWS recoñecida pola industria da nube.

A proposta de Amazon AWS no ámbito educativo é clara con estes dous programas e a integración en ciclos é un traballo moi interesante que complementa os contidos dos módulos impartidos.

Restriccións das contas AWS Educate Starter Account

  • PDF con información das restriccións das contas AWS Educate: https://awseducate-starter-account-services.s3.amazonaws.com/AWS_Educate_Starter_Account_Services_Supported.pdf
  • A rexión predeterminada é a de Norte de Virginia en USA e non se pode cambiar.
  • Estas contas de inicio de AWS Educate son xestionadas por un terceiro (chamado Vocareum). Os termos e condicións entre os estudantes e Vocareum non son os mesmos que ofrece Amazon no seu nivel gratuíto, e é por iso, que o nivel gratuíto que ofrece Amazon por defecto para as contas normais, non se pode aplicar ás contas AWS Educate.
  • Non se precisa tarxeta de crédito para as contas de AWS Educate, xa que se ofrecen créditos promocionais (100$) na mesma conta para cada estudante.
  • Cando se esgota o saldo da conta, péchase a conta e elimínanse os servizos ou outros recursos da conta.