Configuración da tableta dixitalizadora Wacom Intuos

Configuración da tableta dixitalizadora Wacom Intuos en Windows

• Nestes intres temos nas aulas, nos equipos do profesorado a seguinte configuración:
  • 2 pantallas. Unha delas é a principal e a outra é a secundaria.
  • 1 proxector conectado facendo espello coa pantalla secundaria (salvo algunha aula que está independente).
  • 1 webcam Logitech (con micrófono integrado)
  • 1 tableta dixitalizadora Wacom Intuos S con conectividade USB e posibilidade de conexión por bluetooth (xa que a tableta ten batería e permítenos desconectala do USB). Para evitar problemas recoméndase deixala conectada ao USB.
  • 1 conexión bluetooth (integrada no equipo All In One) ou un adaptador bluetooth conectado no frontal do PC (non extraer nin cambiar de posición). A funcionalidade bluetooth activouse para aquel profesorado que queira empregar cascos bluetooth ou calquera outro dispositivo sen cables no PC.

Vexamos como configurar a tableta dixitalizadora Wacom Intuos en Windows.

ATENCIÓN: cando non esteamos empregando o lapis, recoméndase non deixalo enriba da tableta por que pode producir interferencias no rato. Podemos deixalo enriba dos botóns da tableta ou na mesa a carón dela.

• A forma de uso desta tableta consistirá en que durante as clases, cando fagamos a videoconferencia simultánea co alumnado que estea nas súas casas, empreguemos a tableta dixitalizadora cando queiramos escribir algo nun encerado virtual. Deste xeito se queremos escribir algo farémolo na pantalla secundaria (que é a que se está amosando no proxector) e ademais será a pantalla que estaremos emitindo en directo na videoconferencia ao alumnado das casas.
• Como temos 2 pantallas a configuración básica da tableta consistirá en indicarlle con que pantalla queremos interactuar:
  • pode configurarse para que interactue co escritorio completo (2 pantallas)
  • coa pantalla principal
  • ou coa pantalla secundaria.

Neste caso imos configurala coa pantalla secundaria.

Pasos do asistente que aparece cando iniciamos sesión ou na aplicación "Wacom Desktop Center".

• En axustes de control en pantalla, teremos que configurar con qué pantalla queremos que interactúe a tableta, o que se chama Proxección.
• Xeralmente configuraremos que interactúe có monitor secundario (o que se emprega para a proxección do Streaming).

• Tamén poderemos configurar as accións asociadas aos botóns do lapis, por exemplo:

Configuración da tableta dixitalizadora Wacom Intuos en Debian

Para configurar a Tableta Wacom en Debian:

• Acceder aos dispositivos -> Tableta Wacom.

• Na ventá que aparece pódese configurar o Lapis ou a Tableta.
• A seguinte imaxe amosa a configuración da tableta:
• Seleccionar Modo de seguimento: Tableta (absoluto)

• E no "Mapa que monitorizar…"

Deste xeito queda a tableta configurada para traballar có monitor da dereita, o auxiliar (conectado ó proxector).

Grazas a Cristina Paris por facilitar esta información da configuración en Debian.

Veiga (discusión) 22:13 28 sep 2020 (CEST)